Azərbaycan Sığortaçılar Assosiasiyası (ASA) “Azercell Telekom” şirkəti ilə birgə özəl klinikalar üçün treninqlər keçirib. Assosiasiyanın mətbuat xidmətindən ANS PRESS-ə verilən məlumata görə, treninqdə könüllü tibbi sığorta sahəsində çalışan 15 klinikanın 34 əməkdaşı iştirak edib.

Treninq yüksək ixtisaslı mütəxəssisləri tərəfindən 4 gün müddətində baş tutub. Məqsəd - özəl kliniklərdə sığortalananlar üçün xidmətin keyfiyyətini daha da yaxşılaşdırmaqdan ibarət olub. Kursun əsas mövzusu isə müştəriyə yönəlik olub. Seminarın sonunda hamıya sertifikat təqdim olunub.

Qeyd edək ki, Azərbaycan Sığortaçılar Assosiasiyası Həyat sığortasının inkişafı və tibbi sığorta komitəsi Könüllü Tibbi Sığortanın inkişafı ilə bağlı gələcəkdə tədbir keçirməyi planlaşdırır.