Bakı şəhərində yerləşən üzgüçülük hovuzlarının təmirinə ehtiyac var. Bakı şəhər Gənclər və İdman Baş İdarəsindən verilən məlumata görə, hazırda paytaxtda 14-ü örtülü olmaqla, ümumilikdə 41 üzgüçülük hovuzu fəaliyyət göstərir. Lakin bunların əksəriyyətinin əsaslı təmirə ehtiyacı var. Bir çox inzibati rayonların ərazisində daha dəqiq desək, Qaradağ, Binəqədi, Suraxanı, Səbail, Sabunçu rayonlarında ümumiyyətlə üzgüçülük hovuzları yoxdur. Bakı şəhər Gənclər və İdman Baş İdarəsi öz növbəsində Bakı şəhərində olan bədən tərbiyəsi və idman qurğularının vəziyyətinin və statistikasının aparılmasını davam etdirir.