Yüksək təzyiq, şəkər və qlaukoma xəstəliyindən əziyyət çəkən əməkdar artist Kəmalə Rəhimli görmə qabiliyyətini tamamilə itirib. ANS PRESS-in məlumatına görə, sevilən sənətçinin sağ gözü görmür, sol gözünün görmə qabiliyyəti 2 faizdir.

Kəmalə Rəhimli hazırda Mərkəzi Neftçilər Xəstəxanasında müalicə alır. Müğənninin müalicəsini xəstəxananın baş həkimi öz üzərinə götürüb.

61 yaşlı sənətçi 20 ildir şəkər xəstəliyindən əziyyət çəkir. Xəstəlik onun daxili orqanlarına, eləcə də gözlərinə ciddi ziyan vurub.

Bu illər ərzində müxtəlif müalicələr alan Kəmalə Rəhimli, ötən ili 1 saylı Kliniki Mərkəzin kardioloji şöbəsində müalicə kursu keçmişdi.