Bakıda Beynalxalq döyüş yarışı keçirələcək

Bakıda qarışıq döyüş üzrə (M-1 Challenge) beynəlxalq turnir keçiriləcək. ANS PRESS-in məlumatına görə, döyüşlərdən ikisi çempionluq uğrunda olacaq. Belaruslu Artem Damkovski ilə rusiyalı Aleksandr Butenko az çəkidə dünya çempionluğu uğrunda döyüşəcək.

Döyüş "Sərhədçi" idman komleksində baş tutacaq. Digər qarşılaşmada Maqomed Buxinqer ilə İvan İdrisov münasibətlərini aydınlaşdıracaq. Artıq  Butenko Bakıdadır. O,  “Dağüstü park”da şəkil çəkdirərək sosial şəbəkədə paylaşıb. 

Beynəlxalq turnir iyun ayının 4-də keçiriləcək.