Paytaxtda Ramazan ayının ilk günündə süfrələr quruldu

Oruc tutanlar imsak üçün bir araya toplaşıb.
İmsak süfrəsi (tarix)
İmsak süfrəsi (tarix)

Oruc o əməldir ki, insan Allah-Taalanın əmrini yerinə yetirmək üçün sübh azanından şam azanına qədər orucu batil edən işlərdən çəkinsin. Ramazanla bağlı hədislərdə deyilir ki, imsak oruc tutan müsəlmanlara bərəkət və şəfa kimi nemətlər bəxş edir. ANS TV-nin məlumatına görə, bu il Ramazan ayı yay fəsilinə təsadüf etdiyindən oruc tutan insanlar təxminən 17 saat aclığa və susuzluğa davam gətirməli olurlar.

Ramazan həm də insanın nəfsinə qalib gəldiyi aydır. Paytaxt ərazisində apardığımız müşahidələr göstərdi ki,  Ramazan ayının ilk günündən bir çox insanlar orucunu evlərində tutur. Gecə saat 3 radələrinə təsadüf edən imsak vaxtı isə şəhərdə az da olsa imsak süfrəsi təşkil edilən yerlərə rast gəlmək mümkündür.

Oruc tutan şəxslərin növbəti dini ibadəti isə namaz sayılır. İmsak sübh namazına qədər tutulmalı və sonra namaz qılınmalıdır. İbadət zamanı ən vacib əməllərdən biri də dua etməkdir. Dua, ilahi rizanın açarı, cənnət yurdunun qapısıdır.

Allah tutulan orucunuzu və dilənən dualarınızı qəbul etsin.

Ramazanın ayının ilk günü
 

Şərhlər