General oğlunu İŞİD-dən qurtardı, özü terror qurbanı oldu

Atatürk hava limanındakı terror qurbanının həyat hekayəsi.
İstanbul Atatürk hava limanı
İstanbul Atatürk hava limanı

Türkiyənin İstanbul şəhərində Atatürk hava limanında baş vermiş partlayış nəticəsində həyatını itirən insanların gözyaşardan taleləri üzə çıxmaqda davam edir. Terrorun qurbanı olanlardan biri də general-mayor Fəth Beyyud adlı şəxs olub. ANS PRESS-in məlumatına görə, o, bir müddət əvvəl öz oğlunu İŞİD terror təşkilatının caynağından çətinliklə də olsa xilas edə bilib. 

Tunisli həkim, general-mayor Fəth Beyyudun yaxınları bildiriblər ki, onun oğlu bir müddət əvvəl oxumaq üçün Türkiyəyə gəlib. Lakin burada o, sosial paylaşma saytları vasitəsilə İŞİD üzvləri ilə tanış olaraq Suriyaya keçib. 

Beyyud oğlunun geriyə - Türkiyəyə qayıtması üçün çox səy göstərib və sonda buna nail olub. Polis terror təşkilatından geri qayıdan oğlanı saxlayıb. General-mayorun qohumları deyir ki, oğlu Türkiyəyə qayıtdıqdan sonra daim Beyyudun nəzarətində olub. Polis terror təşkilatından geri qayıdan oğlanı saxlayıb. 

Hücumun baş verdiyi gün Beyyudun həyat yoldaşı Tunisdən Türkiyəyə oğlunu ziyarətə gəlib. Hərbçi həkim də hava limanına onu qarşılamağa gedibmiş. Ailə birlikdə Tunisə dönməyi planlaşdırırdı. Lakin ailə başçısı qanlı terrorun qurbanı oldu. 

Tunis Xarici İşlər Nazirliyi tərəfindən daha əvvəl edilən yazılı açıqlamada, Hərbi Xəstəxananın Pediatriya kafedrasının müdiri olan hərbi təbib general-mayor Fəth Beyyudun Atatürk hava limanındakı terror hücumunda həyatını itirdiyi açıqlanıb.

Fəth Beyyud
Fəth Beyyud

Ötən gün Türkiyənin İstanbul şəhərində Atatürk hava limanında terror hadisəsi baş verib. Belə ki, 3 kamikadze əllərində "kalaşnikov" avtomatı ilə hava limanına daxil olub. Onlar əvvəlcə qarşılarına çıxan hər kəsi güllələyiblər. Daha sonra polislərin də atəş açdığını görüncə özlərini partladıblar.

Hadisə nəticəsində 42 nəfər ölüb, 150-yə yaxın insan isə yaralanıb. Ölənlərin çoxunun türk vətəndaşı olduğu deyilir. Ölənlər arasında turistlər də var. Verilən məlumata görə, terror qurbanları arasında Azərbaycan vətəndaşları yoxdur.

Türkiyənin İstanbul şəhərində baş verən qanlı olayla bağlı bir çox dünya liderləri Türkiyə prezidentinə başsağlığı verib. 

 

Şərhlər